Ppa-aruba.org

BENNY NISBET(PPA):
“WATERTOREN SAN NICOLAS LO A WORDE FINANCIA CU
FONDO HULANDES NATIONAAL RESTAURATIE FONDS !!”
SI , CIERTO MINISTRO A CREA IMPRESSION DEN PUEBLO DI ARUBA CU TA FONDO COMPLETO DI PRESUPUESTO DI ARUBA Y CU TA DECISION DI NAN….ESAKI SEGUN PPA NO TA CUADRA CU BERDAD….MAS TANTO DEPARTAMENTO MANERA DOW Y ALGUN OTRO TIN E TAREA DI CONTROLA E RENOVACION. Mirando cu siman pasa e projecto di Renovacio di e Watertoren na San Nicolas a keda cla, partido PPA ta desea di splica algo di e historia POLITICO encuanto e deseo di PPA pa renova e Watertoren na San Nicolas, cual proceso ta completamente ‘los’ di e proceso di Monumentenfonds/Monumentenbureau. Na ana 1986 Ministro di Transporte y Comunicacion sr. Benny Nisbet a larga un compania local prepara un projecto pa renovacion pa e Watertoren na San Nicolas e tempo ey. Hora mi a presenta esaki na Ministro Presidente Henny Eman .esaki na nomber di AVP a rechasa pa nos a inverti fondo den e projecto aki. E tempo e Edificio tabata propiedad di gobierno…!! AInda WEB No a bira un NV pero si tabata un semi overheidsbedrijf. Ministro Presidente Eman a bisa e tempo ey cu E no tin placa pa perde den inversion di e projecto specifico aki. E concepto di PPA tabata pa renova e ‘Watertoren’ na San Nicolas y hasciele un atraccion turistico e.o. cu un lugar di reuni, cushina y un Restaurant den top. Den curso di ananan durante diferente eleccion PPA como UNICO partido politico a presenta e projecto aki y ultimo eleccion tambe nos a presenta un concepto ‘updated’ cu un ‘koepel’ di glas den top for di unda den un restaurant lo bo por mira rond di San Nicolas. WEB/MONUMENTENZORG :
Mientras tanto WEB a bira un NV na 1990. Esaki a worde sigui cu fundacion Monumentfonds y Monumentenbureau cu a durante varios ana a bin ta hasi un bon trabao renovando varios monument akin a Aruba. Y cierto momento a pasa e Edificio aki pa Monumentenfonds. Esta un fundacion cu ta busca fondo na diferente Fundacion y Instituto majoria parti Hulandes pa renova edificionan cu worde apunta como monumento. Pa frustracion di nos partido …… a scoge pa renova e Watertoren na Oranjestad prome cu e Watertoren na San Nicolas……algo cu simpelmente nos NO ta hana correcto pero SI nos a respeta pasobra No ta gobierno ta dicidi pero Monumentenfonds. Ana pasa porfin a inicia e proceso pa renova e ‘watertoren’ na San Nicolas kizas NO manera PPA lo a desea… pasobra nan meta ta pa mantene mas tanto posibel den e forma cu e tabata….y siman pasa porfin a projecto aki a keda cla. Nos ta ripiti e projecto aki ta un projecto di Monumentefonds/Monumentenbureau….completamente ‘los’ di e proceso di gobierno. Si naturalmente nan mester hana e ‘vergunningnan’ cu Ley ta prescribi pa asina construccion tuma lugar bao di e ‘tozicht’ di departamentonan di gobierno. …Pero e projecto NO ta cu fondo di presupuesto ….a lo menos Si tin aden…nos ta imagina …masha poco mes. Majoria ta fondo Europeo/Hulandes.Esta fondo di Nationaal Restauratie fonds Nederland y NO cu fondo di Pais Aruba. !! Pesey mes…PPA ta hanele un mentira flagantre ….y un wega politico bao nivel ora AVP y miembronan di AVP pretende cu e projecto di renovacion di e Watertoren na San Nicolas….lo ta gracias NA decision di AVP….su gobierno of cualkier ministro di djele…. Esaki simpelmente NO ta berdad !!! Y pueblo di San Nicolas lo a worde engana atrobe ….!!! PPA kier a felicita na prome lugar …Pueblo di San Nicolas cu e logro …por fin…por fin …di e renovacion aki…tambe PPA kier a felicita Monumentenfonds y Monumentenbureau pa nan contribuiccion. Finalmente PPA kier a gradici lo demas departamentonan di gobierno cu tabata envolvi cu nan trabao di control etc. Pa e poco cu Gobierno di Aruba (AVP) lo tin di haber cu e projecto aki PPA tin e grandeza di gradici nan pa esaki ….! Pero sigur NO pa e pretencion di crea e impression den pueblo di Aruba/San Nicolas cu E lo ta decision, financiamento y control completo di gobierno esey sigur No ta cuadra cu realidad. Aruba, 13 di maart 2013 Lider Politico di PPA

Source: http://www.ppa-aruba.org/articles/1/Watertoren%20lo%20a%20worde%20financia%20cu%20fondo%20hulandes.pdf